Khehpuam thawm a ri hluai a, mahse vanneihthlak takin a reh tial tial. Tun hnaiah phei chuan man tur a awm lo tia sawi theih khawp a ni.
Mizoram Excise & Narcotics (MEN) department-in kuminah khehpuam an la man lo a, nikum pawh khan tih tham an man lo tawh.
Khehpuam tia sawi pseudo-ephedrine hi MEN department-in nikum khan kg 5.943 an man a, hei hi a vanglaia an man zat nena khaikhin chuan eng tham a ni lo. Kuminah May thla thleng khan an la man lo a, 2020 leh 2021-ahte khan an lo man lo tawh bawk.
MEN department chhinchhiahnaa a lan dan chuan 2011 atanga 2013 thleng khan pseudo-ephedrine tawlh hi a nasa a, 2014 atangin a tlahniam.
2011-ah khan kg 1014.016 an man a, 2012-ah kg 3742.022, 2013-ah kg 2268.417 an man. Heng hi a vanglai tiin a sawi theih ang. 2014-ah Kg 287.495-ah a tla ta dawrh a, hemi hnu hi chuan kg 300 a tling ngai ta lo.
MEN department hotute chuan khehpuam hi a zia telh telh a, man tur pawh a awm meuh tawh lo an ti a, an thawnna hmunah tun hma angin an lo mamawh tawh lo a ni ang tih ngaihdan a awm thu an sawi.
Kuminah khehpuam la man lo
