Kuminah Excise & Narcotics Department-in rakzu litre sing 8 chuang leh a senchi um puitling sing 2 chuang an man tawh.
January atanga December 1 thleng khan zu khapna dan hnuaiah rakzu litre 84742.290 an man tawh a; zu bilh lai tin 185699 an tichhe tawh. A senchi/IMFL um puitling 22703, a chanve um 3351 leh a quarter (ml.180) um 3677 an man tawh a. Burma atanga lokal an tualchhung zu BEDC litre 2621.200 man a ni tawh bawk.
Beer pawh engemaw-zat man a ni a; canned beer (500 ml) 42697 bakah 300 ml chi 627 leh, a um chi 795 an man tawh.
Zu siamna kaih-hnawihah bel 2771 man a ni tawh a, dawidim kg. 604.643 an man tawh bawk.
Excise & Narcotics Department hian MLA inthlanpui vuatvetah zu leh ruihho hmanga vote lei tumna emaw inthlan kaihhnawiha diklo taka zu leh ruihhlo leh a kaihhnawih hman vanga hetiang thil man an nei lo tih an sawi a ni.
Kuminah rakzu litre sing 8 chuang END-in man tawh
