Kuminah Synod Counselling
Centre pantu 3000 an chuang
Kumin, thla 7 chhung velin Mizoram Synod Counselling Centre hrang hrangah mamawh avanga pantu mi 3000 chuang an awm tawh a. Centre pantu hi mimal nuna harsatna nei bakah nupa leh chhungkua angin chhan hrang hrang avanga mamawhtuten an pan thin a ni.
Synod hian Counselling Centre 9 – Mission Veng, Bawngkawn, Vaivakawn, Champhai, Serchhip, Kolasib, Lunglei, Mamit leh Khawzawlah a nei a. Heng Counselling Centre 9-ah hian kumin August 7 thlenga chhinchhiah chinah pantu (client) an neih tawh zat chu 83243 a ni a, kumin (2025) bikah mi 3229 an nei tawh.
Mizoram Synod hnuaia Family Guidance & Counselling Centre hian mamawhna avanga pantute bakah pastor leh kohhran hruaitute pualin kohhran member-te tana tangkai turin counselling training a buatsaih thin bakah kohhran mal, bial huap, presbytery huap leh district khawpuiah Kristian chhungkaw seminar, campaign leh counselling awareness campaign a buatsaih thin bawk
Tunhnaiah pawh August 25 atanga September 1 inkar chhung khan FG&CC buatsaih Church Leaders’ Pastoral Counselling Training vawi 41-na neih a ni a. Pastor bial 8 huamchhunga kohhran aiawh mi 21 an tel.
Kuminah Synod Counselling Centre pantu 3000 an chuang
