Kolasib district-a cheng, kumtling lo hmeichhe pakhat ruboa pawngsual thubuaia thiam loh chantir chu court-in kum 20 chhung lung in tang turin a hrem.
Tarlan tawh angin, Kolasib district khaw pakhata hmeichhe kumtling lo, kum 14 mi chu mi pakhatin bike-a tlanbo puiin a pawngsual zui niin hmeichhe naupang pa hian Police Station-ah FIR a thehlut a. FIR a thehluh hma ni 5 kalta vela thil thleng nia sawi a ni.
Police-ten pawngsualtua puh Mangtindama (28), Khamranga cheng thin, Tahan Myanmar lam mi nia insawi chu manin, an chhuichianna report hi court-ah an thehlut a. Kolasib District Fast Track Court judge R Vanlalena chuan a chungthu ah hian thutlukna siamin, thiam loh a chantir a, a hremna tichhuakin, kum 20 chhung lung in tang tur leh sumfai Rs. 5000 chawi turin a ti.
Kumtling lo pawngsualtu kum 20 lung in tang dawn
