Khadi & Village Industries Commission Mumbai huaihawtin KVIC Gramadyog Vikas Yajona hnuaia puanthui (tailoring) zirchhuak mi 20 tan puanthui khawl leh hmanraw pawimawh dang chu Zirtawpni khan pek an ni.
Mizoram KVI Board Training Centre, MDTC Zemabawka puanthuina hmanrua inhlanna hi inbiak hmuh theihna hmangin KVIC chairman Manoj Kumar chuan hmanpuiin, puanthui zirchhuakte hnenah puanthui khawl leh puanthuina atana mamawh dangte a sem a. Hemi rual hian KVIC hmalakna, PMEGP-a beneficiaries hlawhtlingte tan margin money pek a nih bakah kutthemthiamna hmanga eizawngte tana buatsaih work shed leh sales outlet a hawng bawk.
Hmanraw semnaah hian KVIC Mizoram State director Asish Modak leh Mizoram KVI Board chief executive officer JH Lalbiakliana leh hruaitu dangte an tel.
MDTC Zemabawkah hian trade 11-ah training theih a ni a, training dilna hawn mek niin April 3 thleng thehluh theih a ni a, online-a training dil duh tan www.kviconline.gov.in/hrd/ atanga dil theih a ni tih KVI hotute chuan an sawi.
KVI-in puanthuina hmanrua pe
