Lawngtlai district Chawnhu-a Krishi Vigyan Kendra (KVK) chuan kawng hrang hrangin buh leh thlai chin leh tharchhuah kawngah midang zirtir leh kawhhmuhin hma a la a, hmalakna peng pakhat – chuktuah huan (Nutri Garden) chu hlawhtling takin a kalpui.
KVK Chawnhu hian Nutri Garden an siam hi school naupang chawchhun (Mid Day Meal) atan a ruahman a. Badam, carrot, brocolli, parbawr, tomato, knolkhol leh motor chana an chin chu a seng theih ang sengin, school naupang chawchhun atan an pe a ni.
Chawnhu KVK Office Complex-a chuktuah huan an siam hi Govt Primary School Chawnhu zirlai leh zirtirtuten an tlawh a, an thlai chin seng theih a nih tak vanga tlawh niin, KVK mithiamten mahni in bul leh dai hnai, hmunawl remchangah hlawhtling taka thlai tharchhuah mai theih a nih dan, mahni intodelhna atan a tangkai dan an hrilh a. Thlai enkawl dan tur an hrilh nghal bawk.
KVK Chawnhu-in zirlai hnenah chuktuah huan siam dan hrilh
