Labour-te dinhmun sawiho
Ministry of Labour and Employment buatsaih India rama labour kaihhnawih thil chi hrang hrang sawihona leh inhrilhfiahna, “Meeting with State Labour Ministers and Secretaries on Labour issues” chu Union minister for Labour and Employment Dr Mansukh Mandaviya kaihhruaiin New Delhi-ah neih tan a ni a. Mizoram Labour minister Lalnghinglova Hmar pawh a tel.
Ni hnih awh thutkhawmah hian state leh union territory hrang hrang atangin Labour minister, Labour secretary leh senior official-te an tel a. Mizoram Labour, Employment, Skill Development & Entrepreneurship (LESDE) minister Lalnghinglova Hmar leh LESDE director John Tanpuia an tel. Nilainia session hnuhnung ber, “National Career Services (NCS) and Model Career Centre (MCC)” chu Union Labour minister leh Mizoram LESDE minister te hian an kaihruai a ni.
State leh UT hrang hrangin labour kaihhnawiha hma an lakna tha leh entawn tlaka an ngaih, ‘reforms’ leh ‘best practices’ an neih an sawizau a, sawiho zui a ni. Sawihona hrang hrang zingah labour-te (organized leh unorganized) hamthatna leh an him lehzualna ngaihtuah, labour-te tana tangkai leh awmze nei zawka labour cess hman, thalai hna zawng mekte tana tangkai tak National Career Services leh Model Career Centre tihchangtlun chungchang a tel. Tunhnaia labour kaihnawih dan hrang hrang siamthat pawh sawiho a ni bawk.
Labour-te dinhmun sawiho
