Union Home Minister Amit Shah chuan Centre chuan Union territory of Ladakh ah district panga siamthar a remti tia sawiin – Zanskar, Drass, Sham, Nubra leh Changthang district te siam a nih thu a sawi.
“Modi sorkar chuan Ladakh mipui te tan hun remchang leh tha tam tak siam a tum a ni” tia sawiin Home Minister chuan district thar siam chu Prime Minister in Ladakh hnainghnar a siam a nih hnana hmathlir a neih tihhlawhtlinna zel a ni tiin a sawi bawk a.
“Ladakh hnianghnar leh hmasawn din a nih theih nan MHA chuan Union Territory-ah district panga siambelh a rem ti a. Chung district te chu Zanskar, Drass, Sham, Nubra, leh Changthang te niin he mi hmang hian mipui te kawktkaiah hmasawnna thlen a ni dawn a ni” tiin Shah chuan a sawi.
“Zanskar, Drass, Sham, Nubra, and Changthang te hian ngaihven a hlawh tawh dawn a, mipui te banphakin services leh hun remchang te siam a ni tawh dawn a ni” tiin a sawi bawk.
Ladakh hian a hma chuan district pahnih chauh – Leh leh Kargil a nei thin a, an pahnih hain autonomous district council enkawl a ni a. Tunah chuan Ladakh in district pasarih a nei tawh dawn a ni. Ladakh hi tun hma chuan Jammu and Kashmir a bet thin niin kum 2019 khan UT a hlankai a ni a. Article 370 nuaibo a nih hnuah J&K chu Jammu and Kahsmi leh Ladakh a thenin a awm a ni.
Kum 2019 a Article 370 nuaibo a nih hnuah Jammu and Kashmir special status hlihsak niin chuvang chuan Central law te chu UT pahnihah hman theihin a awm zui ta bawk a ni.
Ladakh-ah district panga siam belh
