Climate activist Sonam Wangchuk chuan Prime Minister Narendra Modi chu Thawhtanni (September 9, 2024) khan Ladakh chu Sixth Schedule of the Constitution a daha law-making power neia ram leh cultural identity te an humhim theihna tura siam turin a ngen.
September 1 khan Wangchuk leh volunteer 75 te chuan Leh atangin New Delhi ke ngata panin an demand kaihhnawihah Ladakh leadership leh Centre tena inbiakna neih an ngiat a ni.
Wangchuk chuan virtual press conference a neihah July thlaa Kargil Vijay Diwas 25th anniversary a Prime Minister in a tlawh tuma memorandum an thehluhah engmah chhanna an la hmuh loh thu a sawi bawk a.
Wangchuk chuan Ladakh a district panga siam belh thuai chu an lungawilohna nena inzawmna nei a ni an ti bawk a. “Heng district pangate hnena decision-making power pek ngawt hi kan la hrethiam lo” tiin a sawi bawk.
“Ladakh hi ecologically-fragile region industrial leh climate kaihhnawiha harsatna tawk reng a ni. He rama mipuit autonomy hum him nan Sixth Scheduled of the Constitution a dah turin prime minister ka ngen a ni,” tiin a sawi.
Kawngzawhna kan neih hmangin helai region climate change-in a nghawng dan hi world leaders leh global community ten an hriatfiah kan beisei tiin a sawi bawk.
Wangchuk chuan tum khat kawngzawh ringawtin harsatna a sukiang dawn lo ti thungin, “Centre hian Ladakhi mipuite demand sawihona hi chhunzawm rawh se,” tiin a sawi bawk.
Ladakh tan phut
