LADC inthlanah party mala
sawrkar siam thei an awm lo
Lai Autonomous District Council inthlanah party mala sawrkar siam thei an awm loa, thawk dun tura beisei MNF leh Congress chu seat la tem ber niin, sawrkarna siam chu party thuneitute la ngaihtuah turah an dah thung.
LADC vote tla hi Thawhlehni zing dar 8.00 atang khan chhiar tan a ni a, chawhnu dar 1.30 ah chhiar zawh a ni. MDC bial 25 awmah MNF-in bial 8, Congress-in bial 7, ZPM-in bial 6, BJP-in bial 2, independent candidate-in bial 2 an la a; party mala sawrkar siam turin seat 13 tal lak a ngai.
Tling lo zingah chief executive member ni lai N Zangura leh chairman ni lai VL Hmuaka te an tel a; MDC ni lai zingah tla an awm nual.
CEM hlui V Zirsanga chu ZPM-a a luh hnu ah seat chang lo mah se, independent candidate niin a tling leh thung. Lawngtlai West bialtu MLA ni lai C Ngunlianchunga chuan, danin a phal angin a chuh ve a, a tling. A ni hi MDC hlui, CEM hlui ni bawk a ni.
12th LADC MDC inthlanpui 2025-ah hian MDC bial 25-ah vote thlak niin, vote 56873 awmah EVM-a vote tla hi 47769 a ni a, postal ballot-ah vote 453 a tla.
LADC inthlanah party mala sawrkar siam thei an awm lo
