Lady Gaga leh Bruno Mars ‘Die With a Smile’ a la lar ber

Lady Gaga leh Bruno Mars ‘Die With a Smile’ a la lar ber
Lady Gaga leh Bruno Mars hla hit ‘Die With a Smile’ chu Billboard Global 200 chart-ah a No.1 a, he chart-ah hian a zawnin kar ruk chhung a No.1 tling ta. Hetihrual hian The Weeknd leh Playboi Carti te hla thar ‘Timeless’ chu No.3-ah a debut ve bawk.
Billboard Global 200 chart hi kar khat chhunga khawvel huapa hla lar dan tehna niin, chart ranking siam nan hian ram hrang hrang 200 chuang a official-only streams (subscription leh ad-supported audio leh video music services) leh download sales te chu tehna pawimawh a ni.
‘Die With a Smile’ hian stream maktaduai 117.3 leh sales 9,000 a la nei thei a, hei hi chart-ah a kar ruk nan a No.1 pui leh ta a ni. He hla hi Gaga leh Mars te tan he chart No.1-a an lan vawi khatna ve ve a ni bawk.
He chart-a kar thum No.1 thei Billie Eilish ‘Birds of a Feather’ chuan stream maktaduai 90.3 leh sales 10,000 nei lehin, No.2-ah bawk a la awm.
The Weeknd leh Playboi Carti hla thar ‘Timeless’ chuan stream maktaduai 66.2 leh sales 7,000 neiin, No.3-ah a debut a, The Weeknd tan he chart top 10-a lang thei hla 13 a neihna niin, Playboi Carti tan a palina a ni ve thung.
Sabrina Carpenter-i’n chart top 10-a lang thei hla pathum bawk a nei leh a, kar ruk chhung chu chart top 10-a hla pathum tal a la nei char char. A hla ‘Taste’ chu No.4 niin, he chart-a No.1 pawh lo ni tawh ‘Espresso’ chu No.3 atangin No.5-ah a tawlh a, chart No.1 hlui bawk ‘Please Please Please’ chu No.6 atangin No.7-ah a tawlh ta bawk.
Billboard Global 200 Top 10:
1 Die With A Smile – Lady Gaga & Bruno Mars
2 Birds Of A Feather – Billie Eilish
3 Timeless – The Weeknd & Playboi Carti
4 Taste – Sabrina Carpenter
5 Espresso – Sabrina Carpenter
6 Good Luck, Babe! – Chappell Roan
7 Please Please Please – Sabrina Carpenter
8 A Bar Song (Tipsy) – Shaboozey
9 Beautiful Things – Benson Boone
10 Si Antes Te Hubiera Conocido – Karol G