Chanmari leh Ramhlun South inkara Laldenga Road kopanga lung tla thei leh thing hnawk thei, hlauhawm zualpui chu Nilaini khan District Disaster Management Authority Aizawl chairman, bawrhsap Er Lalhriatpuia thupek angin thenfai a ni.
DDMA Aizawl-a Quick Response Team chuan zonal officer-te enpuina in, mipui himna atan lung tla mai thei chi chu lawnchilhin a remchan dan angin an thian a, thing hnawk thei ho pawh thlak a ni.
Thudawn danin, helaia leimin leh lung tla hlauhthawn awmna hmun hi kumin May 1 khan thenfai tum a ni tawh a, khua a chhiat nilen tak avangin kopanga lawnchilh ngai a ni si a, hun ruat hmasaah hian an thawk thei ta lo a ni. Tun tuma an thenfaiah pawh hian nilenga lirthei vakvel dang loin, a khat tawka hawn zauh zauh a ni. Hetianga thenfai zawh hnu hian thirlen hmangin kopang hi an tuam leh dawn tih sawi a ni.
Laldenga Road kopang thianfai
