Manipur-a Zo hnahthlakte dilna angin August ni 17 khan Lamka atangin Aizawlah helicopter a thlawk tan. Mahse a enchhinna (trial) a la ni rih.
Kar hmasa Nilaini khan Churachandpur district-a Zo hnahthlakte intelkhawmna Indigenous Tribal Leaders Forum te’n union home minister Amit Shah an hmu a, Lamka atanga Aizawl, Kangpokpi leh Moreh tea helicopter thlawhtir an dil a, Amit Shah hian tihhlawhtlin a nih tur thuin a lo chhang a ni.
A vawi khat nan Ningani khan Lamka atangin Lengpui Airport-ah helicopter hi a tum a, pilot pahnih bak mi chuang an awm lo.
Lengpui Airport atang hian Lamka panin a thlawk bawk. Lamka atanga hmun dang thlawk tur erawh an la tan lo.
Lamka-Aizawl helicopter thlawk tan
