NBA player ropui LeBron James chuan Los Angeles Lakers (LA Lakers) a chhuahsan hnuin season thar atan Philadelphia 76ers a zawm.
Kum 41 mi James hian kum 8 chhung a lo chamchilh tawh LA Lakers chu June thla khan a chhuahsan a, Cleveland Cavaliers, Golden State Warriors, Minnesota Timberwolves leh Miami Heat te nen sawizawm ni bawk mah se 76ers hi NBA-a a club hnuhnung ber turin a thlang fel ta zawk.
Philadelphia 76ers hian season liam ta khan Conference semi-final an lut a, champion zui ta New York Knicks hneh lovin an tlawm. Season tharah tha zawka inlan tumin an squad an thuamchak a, LeBron James an lak luh hma hian Boston Celtics atangin Jaylen Brown an la lut a. Hetihlai hian Paul George a chhuak ve thung.
76ers player thar LeBron James hi NBA a point thawkchhuak hnem ber a ni a, MVP-ah tum li thlan ni tawhin tum 22 ngawt All Star-ah thlan a lo ni tawh bakah NBA-ah vawi thum a champion tawh bawk. NBA Player ropui ber ang hiala ngaih a ni a, an chhawr tangkai hle a rinawm. James pawhin NBA contract hnuhnung ber a ziahna Philadelphia 76ers hi champion pui ngei a tum thu a sawi ve bawk.
LeBron James-a’n Philadenphia 76ers a zawm
