LWE tuartu State te nena meeting neihnaah Amit Shah chuan kum 2022 kha kum sawm li chunga Naxal chet tamna hmuna tharum thawhna tlem ber kum tiin a sawi.
Left Wing Extremism chu kum hnih chhungin ram chhung ata nuaibo in a awm ang a, a ti a. “Naxalism hi humanity tana anchhia a ni a, a zung nen chawpa phawh khawk tur a ni” tiin a sawi.
Officials te chuan Naxal-affected State ah tharumthawhna chu kum 2022 khan 77% in a tlahniam tiin an sawi a ni.
Review meeting neihnaah hian Chief Ministers of Maharashtra, Andhra Pradesh leh Jharkhand te an tel a. Maharashtra Deputy Chief Minister Devendra Fadnavis pawh telin, Odisha, Bihar, Madhya Pradesh leh Chhattisgarh te chuan State ministers te an tir thung.
Officials te chuan tun hnai kum nga chhungin LWE security chungchangah hmasawnna nasa tak a awm an ti a. Central sorkar chuan kum 2015 khan ‘National Policy and Action Plan’ LWE te bik tan a lo pawm tawh a.
He policy hmang hian security kaihhnawihah thuang tam taka hmalakna neih niin a thenah development interventions tih te, local community thuam chak te ang te kalpui a ni tiin official te chuan an sawi.
He policy chak leh tha taka kalpui a nih avangin India ramah nasa takin LWE kaihhnawih tharum thawhna chu a tlahniam an ti bawk a.
LWE violence kaihhnawiha security forces leh civilians te nunna chan pawh kum 2022 khan 90% laiin a tlahniam bawk.
Left-Wing firfiakte harsatna siam tlahniam ti
