Zirlaite chu social media lam aia lehkhabu chhiar lama kir turin Champhai district bawrhsap VL Remliana chuan a chah.
District Programme Office, Women & Child Development Champhai buatsaihin Thawhtanni khan International Literacy Day 2024 hman a ni a. Hmanpuitu district bawrhsap VL Remliana chuan ziak leh chhiar thiamna in a tum ber chu finna, changkanna dik leh remhriatna a ni, tiin, zirlaite chu an thiamna hma sawnpui ngei turin a chah. Thil zir leh chhiar chianna atan ni lo, mi sawisel nan chauha ziak leh chhiar thiamna hman chu thil dik a ni lo tih hrereng turin a chah bawk.
Tunlai khawvel changkannain a kentel, social media atchilhna chu thalaite natna vei hlauhawm tak a ni tih VL Remliana hian sawiin, social media aiin lehkhabu chhiar lama kir leh turin a chah.
International Literacy Day pual hian essay inziahsiak buatsaih a ni a. Zothansangi, Govt TM High School chu pakhatna niin, pahnihna Zomuanpuia, Zokhawthar HSS; pathumna Rohmingliani, Holy Mission School a ni.
Lehkhabua kir turin chah
