Lei dawhkai chhung Sihhmui-
Lengte peng inkar khar dawn
Lengpui kawng, Sihhmuia Tlawng lei dawhthat chu zawh a ni dawn a, lei dawhkai chhung chu helai kawng hi khar a ni dawn a, 2024 November 30 ral hma chu Buichali lama kal a ngai rih dawn.
Aizawl to Lengpui road via Sihhmui kawnga Tlawng lei dawhthat hna thawh chu Tlawng lui chunga a awmna tura dawh kai theih turin buatsaih mek a ni a. Lui chunga a awmna tura lei dawh kai tur hian kawngpui kaltlanga nawr kai a ngaih dawn bakah lei thar tur remkhawmna atanga lei innghahna thlenga nawr thlennan kawngpui tantlangin a nawr kaina tur track siam a ngai dawn a. Thawktuten tluang tak leh ngawrh taka an thawh theihnan PWD hotute dil angin, Aizawl District SP chuan sawrkar hriattirna dinglai leh dan tlawhchhanin he thupek hi a chhuah.
October 30 atanga November 30 chhung chu Sihhmui leh Lengte peng inkar kawngpui hi khar a ni dawn a, lirthei eng chi mah tlan phal a nilo. Lengpui Airport leh Mamit lam kal tur leh heng hmun atanga Aizawl kal tur lirthei chu Buichali lama kal tur a ni.
Thupek bawhchhia chu dan tlawhchhan hmanga hrem theih an ni tih a sawi.
Lei dawhkai chhung Sihhmui- Lengte peng inkar khar dawn
