Baktawng Chan In leitawlhna hmuna retaining wall siam tumah contractor leh leimin avanga harsatna tawk chhungkuate chu Ningani khan Serchhip bawrhsap Paul L Khuma’n a kawm.
National Highway 54-in a paltlang Baktawng Chan In hmun thenkhat chu tun fur ruahsur nasa avang hian tum tam tak lei a tawlh tawh a. Leitawlh avang hian chhungkua engemawzatin harsatna an tawk a, kawngpui thenfai hna thawh leh vil zui reng a ngai bawk. Chhiatna nasa zawk a thlen loh nan lei tawlh leh lei min zel tur ven nan mimal ram hmun thenkhat la heka retaining wall siam a tul a. Hemi chungchanga hmalak dan tur hi sawiho a ni.
Leitawlhin a nghawng nasat zual chhungkaw 6 chu an chenna in leh a vel a khi nasa tawh a. A ranglama retaining wall siam a tul hle tih thutkhawmah hian sawi a ni. Chutihlaiin mimal ram thui tak lak hek a ngaih dawn avangin, a kaihhnawih chhungkua zawng zawng leh contractor-te inlungrual tlanna tur inremna thuthlung ziah nise, tiin an rel.
Contractor chu a ranglama a hmunhma zirchiang nghal a, retaining wall an siam dan tur ruahmanna kimchang chu September 15 ral hmaa bawrhsap hnena report hman tura hriattir an ni. Report a luh veleh inhmuhkhawm leh tur niin, inremna ziah a ni anga, hemi zawh veleh retaining wall siam hna hi contractor-in a thawk tan nghal dawn a ni.
Leimin tur ven nan mimal ram la heka retaining wall siam tum
