Ruahsur nasa avangin June 11 zan dar 11-12 inkar khan Mamit district Khantlang khuaah chenna in pakhat leiminin a hnawl a, he ina awm mi 5 zinga 3-in nunna an chan. Thudawn danin, thi zingah hian in neitupa Sanjiv Chakma (36), a fanu Krippa Mala Chakma (10) leh an chhung hnai, Tripura atanga lo zin Handori Chakma (12) chu a hmunah an thi a, a nupui Monju Rani Chakma (28) leh an fanu naupang ber Ringkha Chakma (3) chuan hliam tenau neiin an damchhuak a ni. Khantlang hi Bangladesh leh Tripura ramri depa awm a ni.
Leimin vangin pathum an thi
