Library lam rintlak leh tha zawn zirtir
Mizoram University Department of Library and Information Science (LIS) chuan October 18 khan LIS hna rintlak leh tha zawn dan an inzirtir.
Department of Library and Information Sciences MZU head Prof. Manoj Kumar Verma chuan a khuhhawng a. Department of LIS ami Prof. RK Ngurtinkhuma chuan LIS hnathawh chu mahni inpek a ngaih zia leh midang tana thawk tura inhuam a ngaih thu a sawi a ni.
Hmanpuitu MZU pro vice chancellor Prof. Pravakar Rath chuan telpuiin, Mizoram chhung mai ni loin, India ramah hna indaih lohna a nasa a, zirlaite tan la nasa tur leh state pawn leh ram pawn zelah pawh hna zawn inhuam a tul tih a hrilh a ni.
Dean of the School of Economics, Management, and Information Science MZU Prof. Bhartendu Singh chuan Mizoramin library changtlung din kawnga hmalakna tha a tih thu sawiin, state level mai nilo district leh village level library-te a ngaihsak dan chu entawntlak leh chhuanawm a tih thu a sawi a ni.
Chawhnu lamah presentation leh inzirtir niin, Mizoram library leh college hrang hranga librarian-ten an telpui bawk.
Library lam rintlak leh tha zawn zirtir
