Aizawl District Transport hnuaia Enforcement staff-te chuan 2024 April a\anga December thla chanve vel thleng khan lirthei dan bawhchhia sang thum chuang an man tawh a, an sum chawi tlingkhawm hi cheng nuai 99 chuang a ni.
Enforcement staff-te hi Aizawl daiah zing kar a\angin an duty \hin a. Lirthei, a bikin sumdawnna atana hman chi ho document an neih kim leh kim loh, danin a phal ang chin an phurh leh phurh loh bakah dan dang awmte an zawm \ha em, tih an endik \hin.
Sawrkar kum kal mek in\anna, April atanga chhiarin December 13 thleng khan lirthei an endik zingah dan an bawhchhiat avanga a hmuna sum an chawi tur ang an chawitir nghal 2468 an awm tawh a, chhan hrang hrang avanga lirthei dang 695 an document an hrensak nen, dan bawhchhia 3163 an awm tawh a, sum an chawi tlingkhawm hi Rs. 99, 70,900 a ni. DTO Aizawl hian heng sum hi a bo a bang awm loin sawrkar sum bawmah an chhunglut \hin a ni.
Lirthei zingah bungraw phur – Light Goods Vehicle chu thla tinin dan bawhchhe tam ber an ni ziah a, an phurh theih zat aia tam phurh vang te a ni \hin. Maxi cab leh heavy goods vehicle zingah an tam leh deuh bawk.
Aizawl DTO hnuaia Enforcement staff chuan lirthei avanga nunna hlu tak a kiam lohnan mipui fimkhur tak leh hlim taka Krismas leh kumthar hmang turin duhsakna an hlan tih an sawi a ni.
Lirthei dan bawhchhia sum chawi tlingkhawm nuai 99+
