Inrinni zan khan Mamit district Saikhawthlir peng bulah mi tu tih hriatloh ten lirthei an suam a, an thil neih thenkhat an laksak. Anmahni hi police-in an chhuizui mek.
Thudawn danin, May 30 zan dar 9.00 vel khan Bairabi atanga Tripura-a haw thla tur pik up, mi pahnih chuanna chu Gurguti peng Saikhawthlir thlen hma km khat velah misual tu tih hriat loh mi pathumin lo tidingin, sumfai Rs.700 leh rangkachak thi leh mobile phone an laksak. Driver hi a ban dinglamah na vak loin chemte in an zai sak bawk
Hetianga an intih din lai vel hian Saikhawthlir lam mi, Bairabi atanga haw lam mi pakhat chuan a nangching a, a ni pawh hi chemte nen an vau zui a, naupang a phurh avangin an kaltlang tir leh mai a, a tlan pelh hnu ah Saikhawthlir VC lam a hriattir zui ta a, Zawlnuam Police Outpost leh Bairabi Police Station pawh hriattir nghal an ni.
Pik-up a chuangte hi hnamdang (Vai) an ni a, Saikhawthlir lamah an tlanchhe zui ve a, khawtlang hruaitute nen an zuk kal leh chuan, pik up chabi leh an wallet ruak an lo kalsan a ni. Zawlnuam Police Outpost-ah hian FIR thehluh a ni a, chhuizui mek a ni.
Lirthei suamtute chhuizui mek
