Kawnpui leh Khamrang inkar kawng chhiain Mizoram a nghawng a, he kawng hi a zia ta deuh na a, motor an la tlan tluang tak tak rih lo.
Kawng hi an siam a, an vil reng bawk. Mahse a la tha tak tak thei lo a, bungraw phur lirthei pawh an la tang thin.
Mizoram Truck Owners Association hruaitute sawi danin, lirthei an la tang reng a, kawng a chhiat avanga an tan bakah kawng siamtute’n hna an thawh theih nana lirthei an dan thin avangin an ding thin bawk.
Inrinni-a Bairabi atanga chhuak truck pakhat chu Chawlhni chhunah a ding nileng a, zanah Aizawl an thleng. Aizawl atanga chhuakte pawh kawngah an thang rei a, bungraw phur ni lote pawh an thang rei. Inrinni-a Aizawl atanga Silchar-a zin, scorpio-a kalte chu kal lamah darkar kuaah an thleng a, haw lamah darkar 10-ah an thleng.
Truck Owners Association hruaitute chuan ruah a tlak hlekin tlan a har nghal zel a, khua a rovin a zia thin an ti.
Ni tin mamawh thil pawh a la thleng tha tak tak lo a, amul gold leh thil thenkhat chu a thlenin a zuar chhawng thin an intlar a la ngai reng.
Aizawla dawrkai hnam dangin ni tin mamawh thil hi Silchar-a mi lain tlang kawngah an phur thin a, hei hi harsatna phurhrutu pawimawh a ni rih.
Kawnpui leh Khamrang inkar kawng a that loh avang hian Rengtekawn velah lirthei an la intlar put reng a, motor lian chauh ni lovin khualzin chuanna motor pawh an tang.
Lirthei tlan la tluang lo
