Ella Langley “Choosin’ Texas” chu Billboard Hot 100 (US singles) chart-ah a No.1 a, he chart-ah hian kar 17 a No.1 tling ta. Hetihrual hian Ariana Grande pawh chart top 5-ah hla pahnih a rawn nei thar ve leh ta bawk.
Kar kalta khan Ella Langley “Choosin’ Texas” hian Morgan Wallen hla “Last Night”, Luis Fonsi & Daddy Yankee feat. Justin Bieber “Despacito” leh Mariah Carey & Boyz II Men “One Sweet Day” te rawn nih rualin, kar 16 a rawn No.1 a, he chart-a No.1 nih rei theihah palina an ni ho a, mahse, tunkarah chart-ah a No.1 leh tak avangin “Choosin’ Texas” hi amahin palina a ni a, hla dang pathum te hi pangana an ni ta a ni.
He chart-a hla No.1 ni rei thei ber chu Mariah Carey “All I Want for Christmas Is You” niin, 2019-2026 chhungin kar 22 a No.1 thei a, Shaboozey “A Bar Song (Tipsy)” leh Lil Nas X Feat. Billy Ray Cyrus “Old Town Road” te chu kar 19 ve ve No.1 an ni thei bawk a, heng hla pathum dawtah hian “Choosin’ Texas” a rawn mal din ta a ni.
Billboard 200 chart hi kar khat chhunga US-a hla lar dan tehna niin, chart ranking siam nan hian all-genre US streaming (official audio leh officialo video), radio airplay leh sales data te chu tehna pawimawh a ni a, “Choosin’ Texas” hian kar khat chhungin US-ah stream maktaduai 24.9 leh radio airplay ngaithlatu maktaduai 54.5 bakah sales 9,000 a la nei thei a, hei hi a kar 17 nan chart-ah a No.1 pui leh ta a ni.
Chart No.1 hlui Ariana Grande “Hate That I Made You Love Me” chu No.8 atangin No.2-ah a invawrh thar leh a, hetihrual hian a hla dang, a album ‘petal’ hming tumtu chuan stream maktaduai 17.9, radio airplay ngaithlatu maktaduai 3.8 leh sales 6,000 neiin No.4-ah a debut, Grande hian Hot 100 chart-a top 10 kai thei hla 25 a nei tling ta a, he chart-a top 10 kai thei hla ngahah 14-na a ni ta bawk.
Morgan Wallen “Been by Now” chu No.2 atangin No.3-ah a tawlh a, chart No.1 hlui Taylor Swift “I Knew It, I Knew You” chu No.3 atangin No.5-ah a tawlh a, Stella Lefty “Boston” chu No.5 atangin No.6-ah a tawlh a, Morgan Wallen leh Ella Langley “I Can’t Love You Anymore” chu No.4 atangin No.7-ah a tawlh a, Tame Impala leh JENNIE “Dracula” chu No.6 atangin No.8-ah a tawlh a, Olivia Dean “So Easy (To Fall in Love)” chu No.7 atangin No.9-ah a tawlh a, Ella Langley hla dang “Be Her” chu No.9 atangin No.10-ah a tawlh ta bawk.
Hot 100 Top 10-a lang thei hla ngah zual te chu:
90, Drake
70, Taylor Swift
38, Madonna
35, The Beatles
32, Rihanna
30, Michael Jackson
29, Elton John
28, Mariah Carey
28, Stevie Wonder
27, Justin Bieber
27, Janet Jackson
26, Lil Wayne
25, Ariana Grande
25, Elvis Presley
lla Langley “Choosin’ Texas” kar 17 a No.1 ta
