Lunglei Municipal Council-in rules and regulation a duan tawh ho chu cabinet pawmpuina an nghak a, chumi hnua a taka hna thawh a nih tur thu LMC chairman Lalzuithanga Khiangte chuan a sawi.
LMC-in hna a thawh theihna turin tan chhan tur hna an neih a ngaih avangin rules and regulation by laws paruk – Parking Regulation and Rules 2023, Building Regulation and Rules 2023, Solid Waste Management Regulation and Rules 2023, Plastic Waste Management Regulation and Rules 2023, Licencing Regulation and Rules 2023 leh Advertisment and Hoarding Regulation and Rules 2023 chu peihfel vek a ni tawh a. cabinet pawmpui hnu ah a taka hna thawh a nih tur thu Lalzuithanga Khiangte hian a sawi a ni.
Zirtawpni khan Mizo Academy of Letters Joint Hqrs. Lunglei-in an Golden Jubilee souvenir an buatsaih “Fin Khawm” tih chu LMC chairman hian a tlangzarh a. Mizo tawng humhalh leh venhim kawngah tan la thar a, MAL hmalakna tawiawm turin mitin a chah.
Fin Khawm bu hi thu hrang hrang lakkhawm niin, thupui hlawm 27 a awm a; thuchham, lengzem, autobiography bakah zirlaite tana tangkai tur tawng upa hman dan, award hrang hrang, Mizo tlawmngaihna te a tel a ni.
LMC-in rules a peihfelte cabinet pawmpuina nghak
