Lok Sabha MP pawisa chawitir, a electric connection hlip
Electricty department chuan Sambhal atanga MP thlan tlin Zia Ur Rehman chu cheng vaibelchhe 1.91 chawitirin, an chenna ina power rukbona awm pawh hmuhchhuah anih hnuah electric connection an neih pawh hlihsak an nih thu a sawi.
Ningani khan Samajwadi party MP lakah hian police te chuan thubuai dawngin, case an ziaklut a, Electricity Act, 2003 Section 135 na tlawhchhanin, electric rukbo thubuai siamsak an ni ta tih an sawi.
Ur Rehman-a pa Mamlukur Rehman Barq pawh Deepa Sarai area-a an chenna in an enfiah laia official-te a vau nia sawi a nih avangin thubuai siamsak a ni ve bawk.
Sambhal superintending engineer Vinod Kumar chuan he thil hi sawi chiangin, Sambhal-ah hian electric inspection drive kalpui mek a nih thu a sawi a, MP hi electricity department in cheng nuai 1.91 an chawitir bakah, a chenna in a power supply pawh tihtawp a nih thu a sawi a ni.
Checking an neih lai hian engineer Ajay Sharma leh VK Gangal-te chu MP pa hian a lo vau nia sawi a ni a, hemi chungchangah hian thubuai ziahluh ni bawkin, a thubuai pawh hi ngaihtuah thuai a nih tur thu thuneitute chuan an sawi.
Lok Sabha MP pawisa chawitir, a electric connection hlip
