Samyukt Kisan Morcha (Non-Political) leh Kisan Mazdoor Morcha te huaihawta “Delhi Chalo” agitation chuan harsatna tawk zui zelin BJP kaihhruai Centre chuan an demand te tihhlawhtlin a tum lo a. Loneitute demand zingah hian an thlaitea minimum support price pek leh loan waivers te pawh a tel a ni.
Centre chuan chiang takin leoneitute ngiatpui ber guaranteed minimum support price (MSP) chu kalpui theih a ni lo tiin inbiakna neihpuiah a sawmzui zel thung a.
Loneitute hi tear gas hmanga beih niin tear gas te chu Haryana police ten drone hmangin an thlak a, loneitute hi Punjab-Haryana border ah Haryana Police te an lo dang a ni.
Farmer leader Sarwan Singh Pandher chuan Centre in inbiakna neoihpuia a sawmna chu an chhan tur thu a sawi a. “PM Modi an rilru zau tak ka nei a ti a. Chutiang a nih chuan MSP min guarantee ula” tiin Pandher chuan a sawi a.
Loneitute laka police te chetdan chu sawisel bawkin thahnem takin hliam an tuar a ni a ti a.
Harayna Police te chu India ram police zinga drone hmanga tear gas hmang hmasa ber niin Haryana Police te hian unmanned aerial vehicles (UAV) hmangin Shambhu Barrier a loneitute lakah tear gas a thlak a ni.
State sorkar drone hman hi Drone Imaging and Information Service of Haryana Limited (DRIISHYA) te siam niin Haryana hian smoke launcher chu private vendor te atanga alak nia sawi niin smoke canister erawh TSU, Tekanpur a siam a ni thung.
Haryana sorkar chuan nisarih atan mobile internet service hman a khapna chu a pawtsei leh ta bawk a. Mobile internet service bakah hian bulk SMS te dongle service te pawh khap vek niin voice call erawh khawih tel a ni lo va, khapna hian district pasarih a huam a ni.
Loneitu pawl Kisan Morcha (SKM) te chuan an hnuaia inziat lut zawng zawng India ram puma mite chu loneitute tharuma beihna an duhlohna lantir nan February 16 ah India ram hmun tinah lungawilohna lantira Grameen bandh leh Industrial/Sector Strike kalpui turin an ti bawk a.
SKM te chuan Prime Minister Narendra Modi hnenah lehkhathawn bawkin paramilitary force te chu hnukkir a, loenitu tena Delhi Chalo protest kalpua dikna an neih chu humhimsak turin an ngen bawk.
Police tena loenitute laka tear gas shell te hmang leh National Capital luhna an dangchat chu Congress te chuan Narendra Modi sorkar chu loneitute nena indo mek angin an sawi a.
Delhi a press conference a neihnaah Congress general Secretary Randeep Singh Surjewala chuan loneitu ten peaceful protest an nei chungin sorkar chuan tharum a hmang zel tiin a sawi a. “Kawng laikhuar a, kawngpui concrete border hmang leh heavy vehicle hmanga an dangchat hi indo hunlai ni awm tak a ni. Sorkar hian loneitute lungawilohna lantir hi ram hmelma angin a chhuah a ni” tiin Surjewala chuan a sawi.
Congress party chuan INDIA bloc in sorkarna a siam a nih chuan loenitute hnenah minimum support price a pek tur thu sawiin chu chu ram chhunga loneitu 15 crore ten an hlawkpui dawn a ni anti bawk.
Loneitute lakah tear gas hmang nasa
