LSC lem pek thu ah LADC thawktu
pahnih court-in thiam loh a chantir
Special judge (Prevention of Corruption Act) chuan Lai Autonomous District Council-a Land Revenue department-a thawk mi pahnih chu kum khat leh thla 6 chhung lung in tang tur leh Rs. 110000 ve ve chawi turin a hrem.
LADC Revenue department-a thawk court-in a hrem hi circle supervisor pahnih – T Zairikhima leh B Hrangchhuma an ni a. Special judge F Rohlupuia chuan Prevention of Corruption Act leh Indian Penal Code hnuaiah a hrem.
Thiamloh chantir zing ami Zairikhima hi September 29 khan Central Jail-ah dah luh nghal a ni a, B Hrangchhuma hi a hrisel that loh avangin leh stroke a neih avangin jail-a dah luh nghal a ni lo.
Heng thawktu pahnih hi Kaladan Multi Modal Transit Transport Project (KMMTTP) kawng sialna, Lawngtlai district atanga Zochachhuah paltlang turah land settlement certificate (LSC) lem mi engemawzat hnenah pawisa hlawhin an lo pe chhuak a, LSC lem neitu mi 120 chu sawrkar chawlh ni – Inrinni leh Pathianni ah pawh pekchhuah an nih bakah dan dikloa pek an ni tih hriatchhuah a ni. LSC lem neitute erawh eirukna thilah an inhnamhnawih nia rin theih ni mah se, an inhnamhnawih ngei tih chianna a awm loh avangin hrem an an ni loa, LSC diklo tam tak an pek avang hian T Zairikhima leh B Hrangchhuma te hi thiamloh chantir an ni.
LSC lem pek thu ah LADC thawktu pahnih court-in thiam loh a chantir
