Lukhum sang ber siam
USA a zirlai Joshua Kiser chuan khawvela lukhum sang ber a siam a, a lukhum siam hi metre 5.422 (feet 17 leh inches 9.5) a sang a ni.
Joshua, kum 24, chuan 2020 khan COVID avanga zirna te an inkhar lai khan an university pawh khar a nih avangin tunhma atanga a lo chak tawh thin, Guinness World Record bu a lan ve theih dan a ngaihtuah ta a, “Hun awl a hman that theih dawn e, tiin awm mai mai ai-ah record siam dan ka ngaihtuah ta a. GWR website te ka en kual a, mipakhat lukhum sang tak khum thlalak ka hmu a, khawvela lukhum sang ber record siamtu a lo ni a, chu record chu khûm ka tum ta a ni,” a ti.
Joshua hmaa hetiang record siamtu cu USA a cheng tho Odilon Ozare niin, 2018 khan metre 4.8(feet 15 leh inches 9) a sang lukhum a siam a ni.
Joshua chuan, “Chu lukhum sang thlalak chu ka mitthlaah a cham ta tlat a, record siam tumin ka inbuatsaih ta a ni,” a ti.
Mahse, a beisei aiin a lo hautak zek mai a, a vawi khatnaah chuan a pamtul ta ringawt. 2020 kum tawp lamah zirlai an tan leh tak avangin a chawlhsan leh ta rih a, mahse, a rilruah a riak reng tho a, a tihdan tur a ngaihtuah chhuak ta a ni.
Record siam tur chuan lukhum hi a khum theih ngei tur a ni a, khum chungin metre 10 tal an kalpui theih ngei a ngai bawk. Joshua lukhum siam hi pound 26.4 (kg 11.975) a rit a ni a, a siam zawh hnuah lu-a tihnghehna mang miah lo leh kuta khawih miah lovin metre 10 chu a kalpui thei ta a ni.
Lukhum sang ber siam
