Communist Party of India (Maoist) member hlun tak, Andhra Pradesh state committee-a tel lai kum 60 mi chu Telangana Director General of Police (DGP) CV Anand kutah Thawhtanni zan khan a inpe.
Maoist hruaitu hlui hi Kakarala Samatha-i a ni a, Maoist hruaitu hlun leh CC member, Suryam tia koh, Patel Sudhakar Reddy-a nupui a ni a. A pasal hi May 24, 2009-a police-ten an kah hlum hma khan Central Military Commission kaihruaitu a ni a, Samatha-i hian luman Rs. nuai 20 a nei a, DGP chuan he pawisa hi a kutah hlan a nih tur thu a sawi.
“Chhawmdawlna atan Rs. 25,000 pek a ni bawk a, dan awm sa angin suma hlawkna dang pawh a dawng dawn bawk a ni,” tiin Anand-a chuan a sawi.
Samatha-i leh a u, Kakarala Sunitha-i te hi an pawlah hian an thawk nasa thin hle a. Sunitha-i hi Dandakaranya Special Zonal Committee member a ni a, August 21, 2025 khan ralthuam a dah a, a pasal hi Telugu film industry hriat hlawh, Kakarala Satyanaraya a ni a, film 300 chuang a siam tawh a, an chhungkua hi Andhra Pradesh-a Rajamahendravaram-a piang an ni.
DGP chuan tunah hian Telengana-ah Maoist hruaitu pathum chiah ram hnuaia awm an awm tawh niin a sawi a. Heng mite hi Ganapathy, Sujatha tia koh, Jade Ratna Bai leh Mangthu tia koh, Vartha Sekhar te an ni.
“Police hnena a hma thei ang bera inpea nun phung pangngai zawm turin kan ngen tak meuh a ni,” a
Luman Rs. nuai 20 nei Maoist member inpe
