Lung tan nitin peg 2 le!

Mithiam ten zirchianna an neih hnuah zu intam lam aiin indanin kan lung (heart) hriselnaah nghawng a nei zawk niin an sawi.
Scientist-te chuan ni khatah tlem tlema zu in chuan kawng thenkhatah hriselna atan a tha zawk thei niin an sawi a, chaichim a an enchhinnaah chuan, nikhata zu peg 2 vel in chuan atherosclerosis risk a tihniam thei niin an sawi a, chutih rualin ni khatah peg 7 in chuan atherosclerosis risk hi a tisang leh zawk hlauh niin an sawi.
Atherosclerosis chu thisenzam lama thil fel lo awm a ni a, chu chuan heart attack leh stroke te a siam thei.
University of Rochester Medical Center-a Department of Surgery-a mithiam ten zirchianna hi neiin, chaichim-ah chuan nikhata zu tlem tlema in chu lung tan a hrisel niin an sawi a, mihringah erawh he zirchianna hi a dik leh dik loh an la sawi thei rih lo.
Zirchiannaa an hotu Dr John Cullen, chuan, “Miin a zu intam lam a ngaihtuah a tul rualin a indan pawh a pawimawh tih a hriat a tul. Tlem tlema in hi hriselna a nih theih rualin in nasat lutuk erawh taksa tan a pawi leh hlauh thung,” a ti.
He zirchianna chungchang hi journal Atherosclerosis-ah tihchhuah a ni.