Health minister Lalrinpuii hmalaknaa kumin February-a Zoram Medical College-a Cardiac Camp buatsaih atanga lung zai ngai hmuhchhuah ho chu Sri Ramachandra Medical Center Chennai-ah a thlawna zai tura ruahmanna siam a ni a. Batch hmasa ber atan lung thalo zai ngai mi 19 thawnthlak atangin hlawhtling takin mi 18 zai an ni a, pakhat erawh la inenkawl deuh a ngaih avangin zai a ni lo.
Nilaini khan Chennai-a lung zai zawh tawh thenkhat lo haw te Health minister ruahmanna in Lengpui Airport-ah lo hmuah an ni a, anmahni in lama an haw hmain an hriselna dinhmun enfiah leh vek an ni.
Lung zai sakte hian mahni sum sen ngai nise hetianga inzai an theih loh tur thu sawiin, Health minister hmalakna ropui an ti a, an lawm hle tih an sawi a ni.
Lung tha lo zai ngai 19 zingah 18 zai hlawhtling
