Lungleiah theitui siam thar
Lunglei Theiriata F Ramfangzauva sumdawnna, RAFA Pro Biotics Juice chu Lunglei District Horticulture officer B Lalzarzova’n a tlangzarh.
DHO chuan thei hring hralhnaa buai thinte pawhin juice-a siam theitu an awm tawh avangin tharchhuah lamah tan la lehzual se a duh tih sawiin, Lunglei Dragonfruit Growers Association pawh kumdang aia tharchhuak tam tura tan la turin a chah.
Rafa Pro Biotics Juice-ah hian thei chi 10 – theiria, chengkek, tengtere, dragonfruit, balhla, theite, sapthei, sunhlu, pear leh lakhuihthei tui sawr a awm a. Naupang atanga puitling thlenga in theih turin tualchhunga thei rah thar chhuahte hmangin theitui (juice) hi siam a ni.
RAFA Pro Biotics Juice hi Lungleia Horticulture Wholesale Centre, Horticulture office building ground floor-ah chhawpchhuah a ni dawn a. Um khat hi 750ml niin, Rs. 350 man a ni.
Lungleiah theitui siam thar
