Madrid atanga Milan lama insawn tur Modric

Madrid atanga Milan lama insawn tur Modric
AC Milan manager Massimiliano Allegri daihin Luka Modric-a hmalam hun tur a sawichiang ta nge nge a, Real Madrid-in Club World Cup campaign an zawh rual rualin Spanish giants veteran player chu an club tana khel turin an senglut dawn tih a nemnghet.
Croatia captain hi tunah kum 39 mi ni tawhin, kum 13 chhung ngawt Bernabeu club tana a khelh hnuah kumin May thla khan United States-a Fifa club inelna zawh ruala a inputchhuah ve tawh tur thu a sawi a, khawi lam nge a pan dawn? Sum tamna Arab lam nge veteran player-te’n an hun hnuhnung lam an hmanna dang Major League Soccer lam a hawi ve dawn tih zawhna a awm reng laiin Sergio Conceicao thlaka a tum hnihna’na Milan boss ni leh ta Allegri chuan Modric an chhawr zui tur thu hi a sawichhuak ta a ni.
Kum 57-a upa Italian coach hian a hna thar vuan chunga press conference a hmachhawn vawikhatnaah August thlaa Modric an hruailuh tur thu sawiin, player tha chungchuang leh fuh chiangtea a nih thu a sawi!
Modric hi US leilunga Club World Cup-ah hian an chhawr rim lutuk lo a, Real tan bench atangin vawi nga a lut tawh a, chu’ng zingah chuan 3-2-a Borussia Dortmund an hneh kha telin, zanin semi-final match-a Paris St-Germain an hmachhawn hunah hian bultantu zingah a tel dawn em hriat a ni mai rih lo.
2018 Ballon d’Or winner has won 28 trophies, including six Champions Leagues and four La liga titles, with Real since a move from Tottenham in 2012.
A kumte a lo tam ve ta deuh bawk nen 2024-25 La Liga season-ah khan Real Madrid tan goal hnih khungin assist vawi ruk a siam tling chauh kha a ni a; mahse, a theihna leh phurna a la chuai mai lo a, ram tan 2026 World Cup khelh a la tum a, chu mi tur chuan season tharah hian club football level sang bera la inhamtan hram hram a duh a, hei hi hahdam deuh zawka khelh theihna tura ngaih Arab leh US lam lan loa Europe league lian zual panga zinga mi Serie A a la thlan fan chhan pawh ni tura ngaih a ni.
Season liamta Italian top flight-a pariatna ni pha chauh Milan inthuah leh inthuamchak tumna kal mekah an midfielder Tijjani Reijnders chu thla hmasa khan Manchester City lamah an hralhchhuak tawh a, left-back Theo Hernandez pawh Saudi Pro League side Al-Hilal nena sawizawm a ni mek.
Hetih lai hian kum 2011 daih tawha Rossoneri kuta Serie A title lo thlenpui tawh Allegri hian goalkeeper Mike Maignan leh forward Rafael Leao-te chu season thara a squad luah turin a hual tih hriat a ni.
Chelsea lamin France keeper Maignan hi kumin nipui thawt tan tirh lam khan an beisei tih an lantir tawh a, mahse, Italian club-in a man atana an chhiar zat pound maktaduai 25 chu an ngam loh avangin season tharah pawh Milan kutkawr bawk a bun chhunzawm leh hmel!
August ni 23-a Cremonese hmachhawn chunga league season thar bul tan tur Milan boss Allegri chuan season thara Reijnders leh Hernandez chhawr a tum loh thu sawi chungin Maignan leh Leao erawh an cham ngei a rin thu a sawi.