Malaria nuai boin awm thei mai thei

Scientists te chuan bacteria chikhat thosiin mihring a seha malaria inkaichhawn titawp thei tur an hmuchhuak.
He thil hi vanneih thil thua an hmuhchhuah niin thosi rual te experiment atana an dahkhawm te chuan malaria parasite an nei miah lo tih an hriatfiah atanga hmuchhuak an ni.
Researchers te chuan he bacteria hi khawvela natna upa ber kum tina 600,000 chuangin nunna an chan phah ziahna beih letna hmanrua pawimawh tak ni thei turah an ngai a. Enchhinna nasa zawka kalpui mek a ni bawk.
Spain a research facility, GSK pharmaceutical company tena an neihah thosi rual an dahkhawm te drug siamna atana an hman te chuan malaria an keng miah lo tih hmuhchhuah a ni a.
“Thosi zingah infection rate a tlahniam zela kumkhat a nih meuh chuan thosi zingah malaria parasite keng an awm tawh lo” tiin he programme enkawltu ber Dr Janneth Rodrigues chuan a sawi a.
Zirchian zualna an neih hnuah bacteria strain bik TC1 tih chuan thosi-ah malaria hrik awm zel tur a dang tih an hmuchhuak ta a ni.
“Thosi a chiahpiah tawh hnuah chuan an dam chhung a daih mai tawh a. He bacteria hi thosi te a malaria inkaichhawn dangtu chu a ni tih kan hmuchhuak a ni,” tiin Dr Rodrigues chuan a sawi.
Science magazine-a data tihchhuah tharah he bacteria hian thosi hrik chu 73% vekin a tihniam thei an ti a. Bacteria hian thosi-a malaria parasite thang lian tur harmane molecule te reuh te chu a tir lamah a lo thliar hrang a ni an ti bawk a.
Zirchianna dangah Johns Hopkins University te chuan GSK scientists te chuan harmane chu thosi te chuan an ka atangin an lalut thei a, emaw sugar nena chawhpawlhin an taksaah an chawlut thei an ti bawk a. Hei tak hi nakin zela surface area insect te ang awmna active compound hmanga la enkawl theihna tur kawng ni thei dawnin an hre bawk.
Nasa zawkin Burkina Faso a MosquitoSphere tia vuah research facility-ah harmane hman him dan leh that dan enfiaha enchinna kalpui mek a ni a.
He bacteria behchhana product siam chhuah a nih theih beiseina hmang hian scientists te chuan khawvela natna upa ber beihletna tur hmanrua an neih belh thei dawna ngaihna a lian hle a ni.
Malaria hian kum tinin mihring nunna 620,000 vel a la ziah anga ngaih niin a tlangpuiin naupang kum nga hnuai lamah a hlauhawm zual abwk a. Vaccine te siam a ni tawh chungin Africa bikah phei chuan pekchhuah tan chauh a ni bawk.