Africa Cup of Nations champion Ivory Coast squad-a an player pakhat leh Fiorentina forward ni bawk Christian Kouame chu khawvela ram changkang berte zinga mi Italy leilungah sum tamtak hlawhin, nuamsa takin khawsa tawh mah se ram lum leh ram changkang lote’n an la buaipui natna malaria la umbo lohna an ram lama a haw ve fo a ngai a, chutia a teihawina lamah chuan ni ngei tura ngaihin malaria a vei tih hmuhchhuah a ni a, damdawi in lamah enkawl tura dahluh a ni.
Serie A club thuchhuahin a tarlan danin tunkartir lam Thawhlehni khan an forward hi a nuamsam lo a, a thisen a la a, malaria a vei tih hmuhchhuah niin, damdawi ina enkawl a nih thu leh ni engemawchen hnuah enfiah nawn leh tur a nih thu an tarlang.
Kum 26 mi Kouame hian Afcon-ah khan a thlengtu ram tan match li khelin, quarter-final match pakhata 2-1-a Mali an hneh hnu khan final-a Ivory Coast-in 2-1-in Nigeria an hneh thlengin a inlan zui ta lo.
Season kal laiah Kouame hian Fiorentina tan match 22 a khelh tawh atangin goal khat a khung ve tawh.
Malaria vanga damdawi ina dahluh ngai Kouame
