Congress president Mallikarjun Kharge chuan Modi sorkar chuan ‘PR atana employment data rinhlelhawm’ hmangah puhin eng anga thup pawh tum tehreng se, ni tina hna zawng nuai tel tena harsatna an tawh thudik chu thup theih a ni lo a ti.
Kharge chuan Mumbai police tena women constable leh woman constable driver hnaruak 1,257 awmah application 1.11 lakh lawih a lut tiin a sawi a. “Unemployment hi Modi sorkar hnuaia anchhia turu ber a ni” tiin a sawi a.
“Modi sorkar hian employment data rinhlelhawm tak hmangin ‘unpaid labour’ tih te ‘one-hour per week’ tih te ang hmanga hna tipungin PR exercise awm ang lo lutuk an kalpui a ni” tiin a sawi.
Maharashtra-ah chuan Mumbai police constable post ruak 1,257 hnawhkhat turin diltu 1.11 lakh an awm a, mi tam tak chu an fa sen te nen pavement-ah zan hmang ral turin lohtheihlohin an awm phah hial a, hengte hi unemployment turuzia lantirna a ni a ti bawk.
“July 15 khan Diamond Workers Union Gujarat chuan suicide helpline number an siam hnuah hna chan te, an hlawh tlem lutuk avanga harsatna tawkte a\angin distress call 1,600 chuang an dawng a ni” tiin Kharge chuan a sawi bawk.
Surat a diamond industry lar tak chuan recession tawkin lohtheihlohin an hnathawk 50,000 chuangte chu ni 10 chawlh an pe thlawt mai a ni, tiin Kharge chuan a sawi bawk a.
“Thla kalta khan Mumbai airport a loader hnaruak 2,216 awm hnawhkhah turin mi 25,000 chuan an pungkhawm tawh a. Gujarat-a Bharuch-ah pawh private company hnaruak 10 hnawhkhah turah mi 1,800 tehmeuh an inlan a ni,” tiin sawi bawk a.
“Modi sorkar hian whitewashing eng ang pawhin kalpui teh mahse ni tina hna zawng nuai tel tena harsatna an tawh hi thup theih a ni lo” tiin Congress chief chuan a sawi bawk a.
BJP ‘jumla’ kum khata hna 2 crore siam intiam hi Indian tinte phatsanna a ni, tiin Kharge chuan a sawi bawk.
Mallikarjun-an Modi sorkar sel
