Prime Minister Narendra Modi an West Bengal a a rally neia Trinamool Congress te Sandeshkhali issue chungchanga a sawisel hrep tuk lawkah West Bengal Chief Minister Mamata Banerjee chuan Kolkata-ah hmeichhia te thlawp rally a neih khum sak.
Mak tak maiin North 24 Parganas district a Sandeshkhali island a hmeichhia te, local Trinamool leaders te laka puhna nasa tak siama headlines hial luah hial tu te chuan Mamata rally chu an zawm bawk.
Rally theme-ah Mahilader Adhikar Amader Angikar (Women’s rights, our commitment) tih hman a ni a. Rally chu signature Mamata banerjee style ngatin ke ngata kalin a hmatawngah a kal a ni.
He rally ah hian Trinamool leader Sushmita Dev, Shashi Panja leh Rajya Sabha MP a thlan hlimhlawl leh journalist ni bawk Sagarika Ghose te pawh an tel a. Banerjee nephew leh party national general secretary nibawk Abhishek Banerjee pawhin a telpui a ni.
Thusawina a neihah Banerjee chuan, “Niminah BJP leader chuan Bengal-ah hmeichhiate sawisakin an awm a ti a. Ka cho duhna chu bengal-ah hmeichia te an him ber” a ti a.
Prime Minister chu a hming hmerha sawi si lova kap sakin, “Manipur a hmeichia te saruaka parade tir an nih lai khan khawiah nge a awm, Hathras a hmeichhia pawngsuala a ruang phumluih a nih lai khan khawiah nge a awm? Bilkis (Bano) kha i theihnghilh ta em ni?” tiin a sawi bawk.
Banerjee chuaan Calcutta High Court judge hlui Abhijit Gangopadhyay an BJP a zawm chungchang pawh sawiin, “BJP Babu court bench ah thu in tunah BJP a zawm ta a. A hnen atangin justice beisei ngaihna a awm lo” a ti bawk.
Kumtinin Banerjee chuan March 8 a International Women’s Day paulin ‘march of women’ a huaihawt ziah a. Kuminah erawh a ni tak chu Shiv Ratri a nih avangin March 7 a sawn a ni ta a ni.
Hmeichhia te hi Trinamool Congress support base pawimawh an ni a, kum 13 rorelna a kalpui tawh chhungin banerjee chuan scheme hrang hrang Kanyashri, Rupashree leh Lakshmir Bhandar te hmangin a insawhnghet hle. Sadeshkhali episode leh BJP campaign natak hmangin an voter base tihphel tum chu Trinamool ten dawh mai an tum loh zia lanna a ni bawk.
A hma niin Barasat a BJP Mahila Morcha event ah Prime Minister Modi chuan Trinamool sorkar chu ‘anti-women’ tiin a sawi a. Bengal hmeichhiate chu an thinrim a, Sandeshkhali a thil thleng chuan Bengal pum a fan dawn a ni a ti a ni.
Mamata-i’n Modi chhang let
