Zirtawpni zing lam khan security forces leh ralthuam kengte chu Manipur-a Tengnoupal district-a Pallel area-ah an inkap nasa hle tiin officials te chuan an sawi a.
Inkahna hi zing lam dar 6 velah tan niin chhum lo chat lovin inkahna a thleng zui char char tiin sawi a ni bawk a.
Tun thlengin hliam emaw nunna chan emaw an la awm lo tia sawi niin security forces ten uluk takin thil awm dan an thlithlai mek reng tiin sawi a ni bawk.
A hma lawk nihnihah Phougakchao Ikhai, Bishnupur district ah mi sang telin lungawilohna an lantir a, Torbung-a an kal tumna thlen tumin army tena danchahna an siamte pawh an pal darh a ni.
Boruak a tang hle a security forces te RAF, Assam Rifles leh Manipur Police intelkhawm te chuan tear gas te kapin mipui thinrim hnawh darh tumin chet an la nghal bawk.
Lungawilohna lantir a nih hma hian Manipur a valley pangaah chuan curfew puan lawksa a ni bawk a.
Manipur buainaah hian mi 160 chuangin nunna an chan phah tawh a, May 3 a ‘Tribal Solidarity March’ atanga buaina intan niin a la reh hlei thei lo va. Boruak tang tak a la awm zui zel a ni.
Manipur-ah inkahna thleng zui zel
