Manipur boruak dai deuh rih

Zo hnahthlakte leh Meitei inepna Manipur boruak a dai rih a, inkah bur bur a awm rih lo tih thu dawn a ni.
Manipur a\anga thu dawn danin, an buai nasatna Sugnu khua leh a chhehvelah an inkap bur bur rih lo a, inral sai thawm erawh hriat tur a awm zeuh zeuh. Kangvai velah pawh silai puak thawm hriat tur chu a awm zeuh zeuh a, inkah bur bur erawh a awm lo. Buai nasatna Kamenlok vel pawh tunah tak chuan an boruak a dai rih.
Buai tirh a\angin Kangpokpi district vel an buai nasa a, he district-a Kamenlok khua leh a chhehvelah tun hnaiah an inkap nasa. Thawhlehni vel a\ang khan anni pawh hi an boruak a dai rih tih thu dawn a ni.
Kangpokpi district-a Aigejang khuaah Thawh\anni khan nasa takin an inkap a, Meitei lamin nunna an chan nual tih thu dawn a ni.
Manipur a\anga thu dawn danin, Aigejang khuaah hian Meitei an lut a, a khaw neitu Zo hnahthlak lam hi an lo tawlchhuak ru a, chu chu an tlanchhia emaw tia Meitei lam an awm laiin Zo hnahthlak lamin an kap ta a ni.
Meitei lam hi thlamuang takin biak inah an lut a, hnehna lawma an awm laiin Zo hnahthlak lam hian an kap a ni. Manipur sorkar chuan Meitei hi mi pakua an thi tiin an chhinchhiah a, Zo hnahthlak lam chuan hei hi a dik lo an ti.
Thi zat hi chiang faka hriat theih a ni lo a, Manipur-a chanchinbumi pakhat chuan 100 chuang tia sawi a nih thu te, hei hi thil ni thei a nih rualin finfiah erawh a ni lo a, 200 dawn an ni ang tia sawi pawh a awm thu te sawiin, mi 34 vel tia an chhinchhiah rih thu te The Aizawl Post a hrilh.