Manipur buaina sawi ngiatin House rorel thei lo

Parliament monsoon session chu Manipur thil thleng avangin a ni hnihnaah pawh rorel hleithei lovin a awm.
Lok Sabha chu tan a nih phat hnuah chhun dar 12 thlengin adjounred zui niin Rajya Sabha pawh tan a nih hnuah Manipur issue vang thovin chhun dar 2:30 thlenga adjourned-in a zui a, a hnuah nileng awha siam zui nghal a ni.
Monsoon Session Ningani atanga tanah a ni khatna atangin Manipur thil thleng chuan luahkhat nghalin Lower House lamah parliamentary Affairs Minister Pralhad Joshi chuan sorkar chuan House pahnihah Manipur thil thleng chu sawiho an remtih thu a sawi a, a hnuah Home Minister in sawihonate chhang bawk se, a ti.
17th Lok Sabha a 12th session hi Opposition 26 tena Indian National Developmental Inclusive Alliance (INDIA) an din hu lawk leh BJP tena National Democratic Alliance (NDA) an thuam chak hnu lawka neih a ni a, hengte hi kum 2024 Lok Sabha inthlan hmaa inpuahchahna vek a ni a.
Tun session-ah hian sorkar chuan bill 31 chhawp chhuah tur neiin chung zingah chuan personal data protection chungchanga draft legislation pawh a tel a ni.
Rajya Sabha thutkhawm hi zing dar 11 ah tan niin Vice-President Jagdeep Dhankhar chuan kaihruaiin Leader of Opposition Mallikarjun Kharge piancham pualin a politics zinkawng sawina a nei a, Kharge erawh a tel lo thung a.
He mi hnu hian Chair chuan an ngaihtuah ho tur te sawi lanna neiin a hma nia inhmukhawm Business Advisory Committee te hun pek tur a ti a. Chutih lai chuan AAP MP te INDIA party tena an thlawpte chuan Delhi services ordinance chungchanga Chriamn-in hun a pekah lungawi lovin chet an la zui nghal a ni.
MP Manoj Tiwari chuan Manipur violence avangin ram pum a na tiin a sawi a. Mahse, Chair chuan ngaihsak lovin Forest Conservation Amendment Bill chu ngaihtuah turin a ti zui a.
MP Derek O Brien chu dingin Parliament-a tawngkam hman chungchang a sawi a. A hma niin Opposition te chuan House-ah Manipur issue sawi turin Prime Minister chu an ngen thu sawiin mahse Prime Minister leh Manipur hming sawi lanna chu record atanga paih a ni tiin chu chu an duh loh thu a sawi zui a.
Derek O Biren chuan India rama Opposition lian ber pawl hruaitu a nih avangin Prime Minister leh sorkar lai mek laka zawhna nei thei leh thiang ka ni a, ka zawhna te chu Manipur-a dan leh hrai lekkawhna hlawhchham chungchang a ni tia sawiin a thusawi te chu nawhreh a duh loh thu a sawi zui nghal bawk.
He mi hnu hian Rajya Sabha chu rorel thei lova awm zuiin Chair chuan chawhnu dar 2:30 thlengin a titawp lailawk zui ta a ni.
Lok Sabha lamah chuan Speaker Om Birla chuan Defence Minister Rajnath Singh chu Treasury Benches aiawha thusawi tura ngenin Opposition member te chu ngawi turin a ngen thung a. Singh chuan Manipur buaina chu thil serious tak a nih thu sawiin Prime Minister chuan dan bawhchhiate lakah hremna khauh tak lekkawh a nih tur thu a sawi thu a sawi a. Centre chuan he issue-ah hian sawihona neih a duh tiin a sawi bawk.
Opposition MP te chuan House pahnihah adjournment notice pe ve vein Manipur chungchang sawiho an ngiat a. Parliamentarians te chuan Manipur violence chungchanga Prime Minister statement siam an phut bawk.
Congress MP Manish Tewari leh Manickam Tagore te chuan Manipur chungchang sawiho turin adjournment motion notice an pe a. Tagore chuan INDIA alliance party te chuan Prime Minister chu Lok Sabha ah Manipur chungchang sawi turan an phut thu a sawi a, mahse, hei hi sorkar chuan remtihna pe duh lovin House chu tihtawp lailawk a ni ta a ni.
Tewari-an notice a pekah chuan, “Tharumthawhna avangin thihna a thleng a, in leh lo chan tam tak awmin political machinery a hlawhchham a ni. Economic lam a tichhe vek a, state-a social fabric te tihchhiat niin North East-ah internal crisis a siam a ni. Hei vang hian sorkar chu House-ah Manipur chungchang sawifiah turin ka ngen a, sorkarin remna a awm theih nana hma a lakna leh policy a neih tin te sawifiah turin ka ngen a ni,” tiin a sawi.
AAP MP Sanjay Singh leh RJD MP Manoj Kumar Jha te pawhin Rajysa Sabha lamah Manipur chungchang sawiho a nih theih nan Rule 267 hmangin Suspension of Business Notice an pe bawk.
Parliamentary Affairs Minister Pralhad Joshi chuan Centre chuan House pahnihah Manipur chungchang chu sawiho ngei ni se an duh a ni tiin a sawi a. Buai nuai nuai karah paper te pharh a ni tho bawk.
Mahse, member tena an au buai zui zel avangin leh ngaihtuah ho theih ngaihna a awm chuan loh avangin House chu tihtawp a ni zui ta a ni.
Rajya Sabha lamah pawh sorkar chuan Bill sawiho nan darkar hnih hman phawt ni se a ti a. AAP Rajya Sabha leader Sanjay Singh chuan na takin Bill pharh chu dodalin Supreme Court kaihhruaina hnuaiah five-judge Bench kuta awm mek a ni a ti a, rorel theih lohin siam a ni zui a.
Chairman Jagdeep Dhankhar chuan Business Advisory Committee te report pharh a nih hnuah House chu titawp zuiin Monday, July 24 a chhunzawm leh turin a ti ta a ni.
Committee atanga chhuak tau Member of Parliament zingah hian e Jairam Ramesh of the Congress, Derek O’Brien of the Trinamool Congress, Tiruchi Siva of the DMK, Manoj K. Jha of the RJD, leh K. Keshav Rao of the BRS te pawh an tel a, Rao tel ve hian awmzia a neihna chu INDIA coalition a tel ve lo a nih vang a ni a. Rao chuan Indian Constitution-in federal spirit a kalh a nih avangin lungawi lo a nih thu a sawi a, hei vanga chhuak tau niin a insawi.