Mizoram chief minister Lalduhoma’n Manipur-a buaina chinfelnana inbiaknaah tlangmi aiawh civil society hruaitute tel ve tura a duh thu a sawi chuan pawl bik tinzawn a nei lo tih adviser to chief minister (Political) Lalmuanpuia Punte chuan a sawi.
Inrinnia Lamka-a thuthar thehdarhtute a kawmnaah Lalmuanpuia Punte chuan, tunhnaia New Delhi-a chief minister Lalduhoma leh Union Home minister Amit Shah an inkhawm tumin, Manipur chief minister-in an state-a remna a awm theih nan hma la turin Mizoram chief minister hi a sawm nia sawi niin, Union Home ministry-in remna awmna tura hma a laknaah ITLF tel ve be tura a duh thu a sawi thu pawh sawilan a ni tih a sawi a. Hei hi a hriat ve leh chief minister hi be nghalin, a ni chuan Manipur-a tlangmi zawng zawng aiawh civil society hruaitute tel ve tura a duh thu a sawi zawk tih tih a lo hrilh a ni, a ti.
Adviser to CM hi Mizo Village Volunteer din champha lawmnaa telpuia Lamka Churachandpur district Manipur-a kal a ni.
Hemi chungchangah hian sawrkar chuan thuchhuah siamin, 2024 August 2-a chief minister Lalduhoma leh Union Home minister-te New Delhi-a an inkawmna, sawrkar thuchhuah siamah chief minister-in Home ministry leh Manipur tlangmi mipui aiawh ITLF hruaitute chu inbe thei se thaa a hriat thu Home minister a hrilh thu ziahlan chu tih sual palh a ni tih sawiin, Pu Lalduhoma hian Manipura tlangmi mipui zawng zawng aiawh zo hruaitute nena inbe turin a ngen a, eng pawl hming mah lam bik a nei lo tih a sawi a ni.
Manipur buainaa inbiaknaah civil society tel ve turin duh
