MZP leh CBC USA, Indianapolis tangdun chuan Manipur atanga raltlante tanpuina pe.
MZP Gen. Hqrs leh Chin Baptist Church USA Indianapolis chuan Manipur buaina avanga sahimna zawnga Mizoram lut Tinghmun, Sakawrdai leh Vaitina awmte chu buhfai leh sumfai an hlan.
MZP hruaitute leh raltlan awmna hmun hrang hranga awmte an inkawm a. MZP president Lalnunmawia Pautu chuan sahimna zawnga Mizoram rawn kalte chu Mizorama kohhran hrang hrang, NGO leh political party hrang hrangten inlungrual taka an lo dawnsawn thu leh an lo enkawl thu a hrilh a. Mizoram chu Zofate Jerusalem a nih avangin thlamuang taka awm turin a chah a. Mizoram mipuiin hmangaih taka an enkawlna chu a tha thei ang bera chhanglet a, Mizorama an awm chhunga khua leh tui tha tak ni turin a chah bawk.
YMA Tinghmun Branch-ah buhfai bag 12, Rs 5000 leh eitur chi hrang hrang; Sakawrdai Relief Camp-ah buhfai bag 15, Rs 5000 leh eitur chi hrang hrang; Vaitin VC-ah buhfai bag 3, Rs. 2000 leh eitur chi hrang hrang hlan a ni.
Manipur raltlante tanpui
