Zaithiam Maren Morris chuan a pasal hlaphuah thiam leh zaithiam ve bawk Ryan Hurd nena inthen dilna court-ah a theh lut a, inthen a duhna chhan ni a a tarlanah chuan, ‘siamthat rual loh inmil lohna’ niin a tarlang.
Maren Morris hian hmanni lawk khan country music industry-a inkhei neuh neuh leh inerna boruak chu a peih zawng a ni ve lo tiin country music a chawlhsan thu a puang zo deuh chauh kha a ni a, tunah chuan a pasal nena inthen dilna court-ah a theh lut leh ta a ni. An pahnih hian kum 5 vel an innei tawh a, fapa kum thum mi Hayes an nei tawh a ni.
Maren Morris leh Ryan Hurd te hian July 2017 khan an inhual thu an puang a, March 2018-ah an innei a, March 2020-ah fapa an nei ta a ni. An nupa a an hla sak dun ‘Chasing After You’ chu 2022 Grammy-ah khan Best Country Duo/Group Performance-ah nominate a ni nghe nghe.
Maren Morris-i’n a pasal Ryan Hurd nena inthen dilna court-ah theh lut
