Senior Congress leader Jairam Ramesh chuan kum 40 kalta December 14 khan ‘people’s car’ Maruti 800 chu tlangzarh a ni a, chumi atan chuan Prime Minister Indira Gandhi leh Rajiv Gandhi khan an thawhhlawk hle tiin a sawi.
Environment Minister hlui Ramesh chuan Maruti-Suzuki in a tha lama nghawng a neih chu a turu hle a ti a. Tunah erawh intluktlanlohna leh Climate change vangin car hralh 50% chu SUV a ni ta a ti bawk a.
Ramesh chuan, “Kum 40 kalta vawiin ni ang hian consumer revolution in India tuamin engineering industry a inthlak danglam a ni. Maruti 800 people’s car chu tlangzarh niin a phena mi pawimawh te chu Indira Gandhi leh Rajiv Gandhi te an ni,” a ti a, “Anni bakah O/Suzuki leh V. Krishnamurthy te chu Suzuki-Maruti joint venture tihlawhtling tute an ni,” tiin a sawi bawk a.
“Krishnamurthy an a hmain BHEL a din a, a hnuah SAIL tih a ni zui a ni,” tiin Ramesh chuan a sawi bawk a.
“India-in public sector manager a neih ropui ber zinga mi a ni a. Krishnamurthy hian tum thum hna min pek a tum a, mahse, a dik emaw dik lo emaw ka rilru hmun dangah a awm zawk si a ni. Mi danglam tak a ni,” tiin Ramesh chuan a sawi a.
December 14, 1983 kha iconic Maruti 800 pian ni a ni a, India rama car siam tawha la hlawhtling ber a ni.
Maruti 800 kum 40 naah Indira leh Rajiv fak
