Mizoram Board of School Education buatsaihin ‘Training of Master Trainers on Online Application Software & Integrated Digital Payment System’ chu nimin khan Aizawlah neih tan a ni a, October 19 thleng a awh ang. Aizawl bika training hi ni 5 chhung tur niin, October 13 thleng a ni anga; Aizawl, Kolasib, Mamit, Serchhip leh Saitual district-a high school leh higher secondary school examination centre leh feeder school atangin zirtirtu pakhat theuh an tel. MBSE online portal thara online registration tih dan, online-a exam form fill-up dan, affiliation dil leh fee pek dan bakah MBSE portal-a thil thar awmte zir a ni. Heng bakah hian MBSE-in a hman mek Integrated Evaluation Scheme chungchang zir niin, online portal hmanga internal mark submit dan inzirtir a ni.
Master trainer
