Mizoram Basketball Association (MBBA) Season 2026 chu tan chhoh a ni a, 3X3 hmangin inelna May ni 22 (Friday) khan tan a ni.
MSL Club zingah Saron BC chuan MBBA season khuhhawnna Favang Basketball Tournament lam hawi chho vin, September thla tawpa he intihsiakna buatsaih tur pual hian team an inbuatsaih chho tan.
Boruak siam hak khawpin Zemabawk BC aṭangin MSL 11 finalist coach Liansangpuia an lalut a, player pawh an siksawi nual bawk, an captain T. Lalhriatzela (Tea) chhuak hian team engtakin nge a nghawng tih hi hmuh chakawm pawl a ni.
Saron BC hi club management fel fak tak nei an ni a, an coaching staff leh players chhuak awm nual karah an star player zinga mi Rinmuanpuia Chhangte (Tetea) leh Ramdinfela te an la khelh chhunzawm dawn.
Tarlan tak angin MSL XI finals lama ZBBC head coach huhang ngah zet Liansangpuia an lalut thei cheu bawk a – Saron BC hi an ke chheh a mawm chho a nih pawhin a mak lovang.
MBBA hnuaia club te hian squad an chingfel vek tawhin; MSL club pariat, D League club paruk leh Women’s club pathumte hi MBBA hnuaiah inziak lutin an awm mek.
Saron BC squad
1. Rinmuanpuia Chhangte, Salem Veng Lunglei
2. Joseph Lalhunthara, Luangmual, Lunglei
3. B. Lalmuankima, Chanmari, Lunglei
4. J. Lalduhzuala, Durtlang
5. Biakmuanpuia, Saron
6. Ramdinfela, Venghlui
7. Laldinsanga, Sihphir
8. K. Liandinga, Hunthar
9. Lalruatfela, Hunthar
10. Lalrinpuia Ngente, Dinthar
11. Lalmalsawma, College Veng
Coach : Liansangpuia, Dinthar
Asst. Coach : Lalrinkima, Saron
Manager : Lalhlimawma Pachuau, Saron