Aizawl East II hi Mizorama mumal taka constituency anga basketball tournament kum tina (2023 atangin) nei thei awmchhun an ni; a buatsaihtu Armed Veng Basketball Club lam tha tichak turin he bial MLA kalchhuak ta Pu Robert Romawia khan bul a tan a, tuna bialtu minister Pu B. Lalchhanzova hian he inelna hi a thuam changtlung sauh sauh; mahse, he biala beisei pha lo thin leh champion trophy tum khat mah la chawi lo veng chu Dawrpui veng hi an ni.
MBBA season thar bul tan phat a nih rualin MSL 11 semi finalist Mission Veng Hotshots chu Dawrpui Hotshots tia thlak an ni zui a, basketball uar veng Dawrpui tan chanchin ngaihnawm a ni zui lo thei lo – an vengin basketball court tha neiin MSL team an nei ta, an veng thalaite leh khawtlang hruaitute tan phurna leh chona a ni zui bawk ang. East 2 inelna lamah pawh hmasawnna a irhchhuahpui ngei bawkin a rinawm.
Dawrpui Hotshots hian MSL 9 MVP R. Lalnunpuia (R-a, defense leh offense lama innghahna tlak) chu Zarkawt BCA atangin an lalut zui a, Saron BC atangin an captain T. Lalhriatzela (Tea) an la chhuak thei cheu.
Dawrpui Hotshots tantu lam tan an club puipate hian D. Johnson an chahchhuah ni atang khan kut benna tur a tam ta malh malh hle.
An head coach David Lalruatfela (Dave-a) pawh a club ngaiah hian hei a let leh e – tualchhung basketball virvel he club hian an tingaihnawm viau, hmuhnawm zui tak maw!
MSL 11 liam taa Hotshots captain Lalruatkima, Zarkawt tlangval erawh Zemabawk BC tan season thar atang hian a inlan tawh dawn a, he club pahnih inhmachhawn hun tinghahhlelhawmtu ber a ni lawk! Saron BC tan pawh Dawrpui Hotshots nena East 2 derby an khelh huna an captain hlui Tea chelh din hlan mawlh hi lo thlir lawk tham a ni!
Season tharah hian Mission Vengthlang Hotshots kha hmu tawh dawn lo mah ila, he club dintu Aizawl Tlangval Rualte tho khan Dawrpui Hotshots hmingchawiin thawnthu thar chhawpchhuah an tum.
The Aizawl Post Hoops Mania chuan duhsakna kan hlan e.
Dawrpui Hotshots Squad
1. Lalnunpuia Renthlei – Bungkawn
2. T. Lalhriatzela (Tea) – Republic
3. B. Malsawmkima – Ramthar North
4. Lalfakzuala – Zarkawt
5. Vanlalthlanawma – Armed Veng
6. Hmingmawizuala – Tuikual N
7. Jacob Lalrinkima – Dawrpui
8. K. Lalfakzuala – Mission Veng
9. Lalchhanhima Fanai – Chaltlang
10. Vanlalhmangaihsanga – Bungkawn
11. Moses Zoremmawia – Model
12. Zothansanga – Bethlehem VT
13. Lalhmingsanga – Nursery
Coaching Staff
Head Coach- David Lalruatfela, Armed Veng.
Asst. Coach leh Manager hi an la invuah fel rih lo.