Mizoram Consumers’ Union (MCU) annual general meeting (AGM) vawi 26-na chu Zirtawpnia neih chu Information & Public Relations minister thar, MCU Hqrs. adviser Dr Vanlalthlana’n a hmanpui.
Minister chuan Consumer Union chu mipui dikna leh chanvo humhalha venghimtu a ni, tiin, consumer-te tana thawk zel turin a fuih a. LPG home delivery kalpui a nih theih nan theihtawp chhuaha hma a lo lak tawh thu leh Assembly House-ah a auchhuahpui thu sawiin, MCU hmalakna a tul anga thlawp zel a tum tih a sawi a ni.
Food, Civil Supplies & Consumer Affairs joint director Lalmuansanga Ralte pawhin Consumer Forum leh activist-te chu mipui nawlpui tana ding, an dikna chanvo humhalhsak tura din a ni tih a sawi a. Mizoram dung tluanah consumer rights awareness nei tha thawkhat tawh mah ila, hriatna ringawt chuan cosumer rights kenkawh kawngah duh angin hmasawnna min la thlen tawk lo a, consumer-te an huaisen zual zel theih nan consumer activist-ten theihtawp kan chhuah a ngai, tiin a sawi.
MCU annual meeting-ah hian State Consumer Disputes Redressal Commission Mizoram interim president Dr Lalthansangi leh Consumer Disputes Redressal Commission Aizawl president Vanlalmawia ten thu an sawi bawk.
MCU-in inkhawmpui hmang
