Meghalaya Open-ah Mizoramin medal 19 hlawh chhuak
May ni 15 -17, May 2026 chhunga Shillong-a khelh zawh tak 2nd Meghalaya Open National Taekwondo Championship-ah Mizoram team chuan gold medal 13, Silver pathum leh bronze medal pathum an la.
Mizoram team hian Kyorugi (fight) inelna huangah gold pasarih, silver pathum leh bronze pahnih an la a;
Poomsae inelnaah gold panga, silver pakhat leh bronze pakhat an la bawk.
Poomsae freestyle inelnaa gold medal latu Mizoram team hian he championship-a khuallian leh Megalaya speaker ni bawk Thomas A. Sangma bakah sports minister Wailadmiki Shylla-te hmuh turin freestyle poomsae an entir a, an chet that avangin lawmpuina a bik taka hlan an ni nghe nghe.
Mizoram team hi Lalinpuia (Armed Veng South), Vanlalmawipuia (Venghnuai) leh Lianthangpuii (Hlimen)-te bakah Master Joseph Thansanga leh Master VL Sawmate’n an hruai a ni.
Meghalaya Open-ah Mizoramin medal 19 hlawh chhuak
